thecreativespace
പാരിനേകഭാരതം പവിത്രയായ ഭാരതം
പാരതന്ത്ര്യമേല്ക്കിലും സുശാന്തിവെന്ന ഭാരതം
സാമവേദഗാഥകൾ ഉരുവിടുന്ന കാറ്റിലായ്
ഗീതചൊല്ലി നിൽക്കുമേതു
പുൽത്തുരുമ്പുമീവനി.
രാമനും ശ്രീ കൃഷ്ണനും ജിനനും ബുദ്ധനും ഇവി_
ടായിവന്നു ജന്മമേറ്റു
ഭാരതാംബ തൻ സുതർ.
സത്യവും ധർമ്മവുമഹിംസയുമീമണ്ണിലായ്
നിത്യ പുഷ്പമായ് വിടർത്തി ഗാന്ധിയെന്ന
സൗരഭ്യം.
അച്ചുവടുതാൻപിടിച്ചു ഐക്യബന്ധരായിവർ
ഉച്ചസൂര്യനായിടുന്നു
യർച്ചതന്നിലത്ഭുതം
ഭിന്നരല്ല ഭാഷയിൽ മതങ്ങളിൽ ഹാ ജാതിയിൽ
പ്രേമമേറ്റി ഭാരതാംബ
യൊന്നുപോൽത്തലോടവേ
നീൾവിരിയിലാലസം കിടത്തിടുന്നിരുപത്തി_
യൊമ്പതും നെഞ്ചോടു ചേർത്തൊരേഴുമാത്മപുത്രരെ.
ജീവനും കൊടുത്തിടുന്നുനാടിനായ് ജവാന്മാരും
ജീവിതം ഉഴിഞ്ഞിടുന്നു നാടിനായ് കൃഷിക്കാരും
ശാസ്ത്രമൊത്തു മുന്നിലേയ്ക്ക് പോയിടുന്നു ഭാരതം
ശക്തരായ സാരഥികൾ അംബയെ നയിക്കവേ ജയ് ജവാൻ ജയ് കിസാൻ
പാടിയാടി നീങ്ങവേ
ഭാരതാംബ മന്നിതിൽ പ്രകാശമായ് പ്രശാന്തിയായ്.
------------------------------------------------------------------------------------------------
സുലേഖ കുറുപ്പ്:
കവയിത്രി . [അച്ഛൻ ശ്രീ. ബാലകൃഷ്ണപിളള (ശ്രീ ശൂരനാട് പി.എന്. കുഞ്ഞന് പിള്ളയുടെ ഇളയ സഹോദരന്); അമ്മ തങ്കമ്മ]. യു. എ. ഇയില് റാസ് അല് ഖൈമയിലെ ഇന്ത്യന് ഹയര് സെക്കന്ററി സ്കൂള് അധ്യാപികയായിരുന്നു.
ഉത്രാടം,നെടുങ്കാട്.
കരമന പി.ഒ. 695 002.
മൊബൈൽ 9633023234.